relak

isa sa pinakamasarap kakwentuhan ay yung mga may edad na, mga sanay na sa buhay, sila yung pag nagkwento o nagsalita at nagbigay payo para kang batang manlalaki mata, elibs ka agad, isa sa pinakamagandang payong natutunan ko sa kanila,

"ineng relak lang wag ka magmadali, lahat ng gusto mo makukuha mo sa tamang oras, kundi man baka mas maganda pa sa gusto mo ang ibigay sayo.."

mapapaisip ka bakit ka nga ba magmamadali sa buhay na makuha lahat ng gusto mo, mamadalain mo ang araw ng hindi mo na napapansin ang mga nangyayari sayo sa mga oras nato, tipong nabalewala na yung isang buong araw dahil masyado mong hinihigit yung oras makarating ka lang sa bagay na gusto mo nang mangyari, hindi mo naisip, minsan lang mabuhay, isang pagkakataon lang ito, namnamin mo na, kung kanina maganda ang sikat ng araw at hindi mo napansin baka bukas maulan na..wala ka dapat madaliin dahil ang bawat araw dapat ikasiya mo, hindi mo masasabi kung mamaya sa pagtulog mo eh hindi ka na pala makakabangon ulit, masama man isipin pero hindi natin alam, namnamin ang bawat pagkakataon at bigyang importansiya ang bawat araw at pangyayari sa buhay, walang dahilan para magmadali, lahat may tamang panahon, bakit ka ba magmamadali sigurado naman na hindi ka pa handang makarating sa tunay na katapusan.